2017 წლის 1 დეკემბერს ოდიშის №1 საჯარო სკოლაში ჩატარდა მათემატიკის წრის ,,აქსიომას“ მეათე შეხვედრა. ამ შეხვედრისას მოსწავლეებმა განიხილეს ,,ოქროს კვეთა“ __  ჰარმონიული გაყოფა მთელისა ისეთ ორ არატოლ ნაწილად, როდესაც მცირე ნაწილი ისე შეეფარდება დიდს, როგორც დიდი მთელს და პირიქით,    მთელი ისე შეეფარდება დიდს, როგორც დიდი მცირეს. სლაიდშოუს ჩვენებამ__,,ოქროს კვეთა'' მათემატიკაში, ლიტერატურაში, არქიტექტურაში, ხელოვნებაში, მუსიკასა თუ ბუნებაში __ მოსწავლეებს დაანახა სხვადასხვა დარგებში ,,ოქროს კვეთის’’ აქტუალურობა, შეიგრძნეს მისი "ღვთაებრივი პროპორციულობა" და მივიდნენ იმ დასკვნამდე,  რომ "ოქროს კვეთის" პროპორციებს მივყავართ არა მხოლოდ მათემატიკურ რიცხვებამდე, არამედ სამყაროს საწყისებამდე. შეხვედრის დასასრულს კი, მოსწავლეებმა ჯგუფებში შექმნეს  საინტერესო კედლის გაზეთები.